உன் வருகை

பன்னிரெண்டு ஆண்டுக்கொருமுறை
பூக்கும் குறிஞ்சி மலர்
உன் வருகை அறிந்து
உடனடியாய் பூத்து குலுங்குகிறது

பதினேழு ஆண்டுக்கொருமுறை மட்டுமே
மண்ணைவிட்டு வெளிவரும்
வட அமெரிக்காவின்
சக்கேட்டா வண்டினமோ
உன் வருகை அறிந்து
உடன் எழுந்து வந்து
உன் வழியெங்கும் ரீங்காரமிடுகிறது

இருப்பதாக நான்
இன்றுவரை உணர்ந்திடாத என் இதயமோ
உன் வருகை அறிந்து
இருமடங்கு வேகமாய் துடிக்கிறது

கண்ணில் விழுந்த வேகத்தில்
கண்ணிமைக்கும் நேரத்தில்
காணாமல் தொலைந்துபோன
உனைக் கண்டுபிடிக்க...
இண்டர்போல் உதவி நாடி
இணையம் வழி விண்ணப்பித்தன
குறிஞ்சியும் சக்கேட்டாவும்...
தொலைந்து போன என் இதயம் தேட
தொட்டு வணங்கி விண்ணப்பித்தேன்
தேவதை உன்
காலடி மண்ணிடம்